Një pjesë e qytetarëve të Karolinës së Veriut që kanë dalur për të marrë pjesë në votime për zgjedhjet presidenciale në SHBA, thonë se u sulmuan me sprej nga policia.

Në videot e transmetuara dhe sipas dëshmitarëve, policia ndërhyri ndaj turmës në Graham, një qytet me rreth 15 mijë banorë në Karolinë të Veriut. Ky shtet është cilësuar si vendimtar në betejën e zgjedhjeve presidenciale në Shteteve të Bashkuara.

Autoritetet e policisë kanë arsyetuar reagimin e tyre duke thënë se qytetarët nuk kanë respektuar masën e distancës dhe krahas paralajmërimeve, nuk janë shpërndarë.

Shon Green, një aktivist 28-vjeçar që mori pjesë në këtë organizim, ka deklaruar se policia kishte urdhëruar papritur t’i jepte fund tubimit paqësor.

“Nuk kishte asnjë shpjegim. Ata filluan të ndërhynindhe më pas filluan t’i spërkatnin njerëzit”, ka deklaruar ai në një intervistë telefonike, shkruan Reuters.

Green deklaroi që u spërkat në fytyrë dhe më vonë u përplas për tokë, para se të merrej për pak kohë në paraburgim.