Manchester City është shpallur edhe zyrtarisht kampion i Anglisë për edicionin 2021/22.
Në një ndeshje dramatike, “Qytetarët” kanë mposhtur me përmbysje Aston Villën 3:2, shkruan FrontOnline.
Aston Villa i shënoi dy gola fillimisht përmes Cash (’37) dhe Coutinho (’69), por përgjigjja e vendasve ishte brutale.
🏆 Your 2021/22 #PL CHAMPIONS: @ManCity 🏆 pic.twitter.com/caRs7ApDqw
— Premier League (@premierleague) May 22, 2022
Skuadra e Pep Guardiolas shënoi tre gola të shpejtë përmes Gundoganit (’76,’81) dhe Rodrit (’78) për ta fituar titullin e kampionit.
Nga ana tjetër, Liverpooli triumfoi 3:1 ndaj Wolvesit, por duke arritur që të mbetet vetëm nënkampion.
Kështu, Man City e mbyll edicionin si kampion me 93 pikë pas 38 ndeshjeve, kurse Liverpooli në vendin e dytë me 92 sosh.
Në ndeshjet tjera, Tottenhami mposhti 0:5 Norwich Cityn për ta vulosur pjesëmarrjen në Ligën e Kampionëve, së bashku me Chelsean që mposhti 2:1 Watfordin në shtëpi.
Në Ligën e Evropës, Arsenali merr pjesë nga vendi i pestë pas fitores 5:1 ndaj Evertonit, si dhe Man Unitedi përkundër humbjes 1:0 nga Crystal Palace.
Për më shumë, renditjen përfundimtare tabelore të edicionit 2021/22 në Premierligë mund ta shikoni më poshtë./FrontOnline/