Të paktën 54 trupa janë nxjerrë nga lumi Niger i Nigerisë pasi një varkë, e cila mund të kishte më shumë se 200 pasagjerë, u përmbys në orët e para të së premtes, thonë autoritetet.
24 nga ata në bord u shpëtuan, disa prej të cilëve janë ende në spital, por dhjetëra të tjerë mund të jenë të zhdukur, shkruan BBC, transmeton Klankosova.tv.
Zhytësit janë ende në kërkim, por shpresa po zbehet për mundësinë e gjetjes së më shumë të mbijetuarve.
Ky është vetëm i fundit në një seri të gjatë aksidentesh me anije në rrugët ujore të brendshme të vendit. Pavarësisht rekomandimeve të bëra për sigurinë, rregullat ndiqen rrallë dhe pak prej tyre mbahen përgjegjës.
