Sot në Zvicër është përkujtuar veprimtari i shquar i çështjes kombëtare Nysret Krasniqi.
Në Akademinë Përkujtimore për të mori pjesë edhe deputeti i PDK-së, Elmi Reçica.
Ky i fundit tha se jeta dhe veprimtaria e Nysretit, në të gjitha etapat ka qenë e lidhur ngushtë me fatin e Kosovës. Sipas tij, Nysreti ka qenë gjithmonë i gatshëm dhe aktiv në jetën e organizimit për rezistencë dhe aktivitet politik për lirinë e Kosovës
Njoftimi i plotë:
Sot, pata nderin të marr pjesë në Akademinë Përkujtimore në dy vjetorin e vdekjes së veprimtarit të shquar të çështjes kombëtare, Nysret Krasniqi, që u mbajt në Luzern të Zvicrës.
Jeta dhe veprimtaria e Nysretit, në të gjitha etapat ka qenë e lidhur ngushtë me fatin e Kosovës. Ai ka qenë gjithmonë i gatshëm dhe aktiv në jetën e organizimit për rezistencë dhe aktivitet politik për lirinë e Kosovës.
Kontributi i çmuar i Nysretit ka lënë gjurmë dhe familjarët e miqtë e shumtë të tij sot me krenari po e vazhdojnë angazhinin për forcimin e shtetit tonë të pavarur e sovran.
