Presidenti i Real Madridit, Florentino Perez, është i gatshëm t’i japë “prioritet” Kylian Mbappe para Vinicius Junior nëse ish-ylli i PSG-së vazhdon të mos shkëlqejë në rolin e sulmuesit numër 9

Presidenti i Real Madridit, Florentino Perez, është i gatshëm që ta shikojë më të lumtur Kylian Mbappe duke luajtur në pozitën e tij para Vinicius Jr, thuhet në një raport të ri.

Sipas Sport, njerëzit afër Mbappe-së janë të shqetësuar për përdorimin e tij kryesisht si sulmues qendror nën drejtimin e Carlo Ancelotti. Që kur mbërriti nga Paris Saint-Germain, ai ka shënuar tetë gola në 15 ndeshje, ndërsa nuk ka shënuar në tetë prej tyre. Ai preferon të luajë në krahun e majtë, një pozicion aktualisht i zënë nga ylli brazilian Vinicius Jr.

Sport raporton se Perez do të ishte i gatshëm të vendosë që Mbappe të luajë në atë pozitë para Vinicius, duke treguar mundësinë e një ndryshimi pozicional të tyre.

Vinicius ka shënuar nëntë gola dhe ka regjistruar gjashtë asistime nga krahu. Raporti e bën të qartë se Perez do ta konsideronte këtë si një opsion të fundit.

Mbappe kishte një rekord mbresëlënës duke luajtur si sulmues në krahun e majtë për PSG, duke shënuar 63 gola në 71 ndeshje dhe dhënë 17 asistime. Nuk është e qartë nëse Perez do të bisedojë me Ancelottin për taktikat, duke qenë se Real Madrid tashmë është nëntë pikë prapa Barcelonës, megjithëse ka një ndeshje më pak të zhvilluar.

Real Madrid humbi 3-1 ndaj AC Milan në mesjavë në Ligën e Kampionëve – Vinicius shënoi golin e vetëm të ekipit – dhe ata janë të dëshpëruar të kthehen te fitoret këtë fundjavë kundër Osasuna-s. /GazetaExpress/