Në Ferizaj përgjatë javës që lamë pas u raportua për 20 raste të vjedhjeve.
Sipas të dhënave të Policisë së Kosovës, 18 raste ndodhën në Ferizaj, një rast në Shtime dhe një tjetër në Shtërpcë.
Po ashtu, për shtatë ditë, sipas policisë u raportua edhe për gjashtë raste të dhunës në familje.
“Në rajonin e Ferizajt janë raportuar 6 raste të dhunës në familje, të cilat kanë ndodhur: në Ferizaj 5 raste dhe në Shtërpcë 1 rast”, thuhet në njoftimin e policisë.
Sakaq u arrestuan 31 persona të kërkuar me urdhëresa të gjykatave kompetente për vepra të ndryshme penale.
“Ndërsa ftojmë qytetarët që të bashkëpunojnë më policinë. Për të gjitha rastet kriminale të njoftojnë menjëherë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406”.
