Dhjetëra aksidente në trafik po vazhdojnë të shkaktohen çdo ditë në Kosovë, raporton Gazeta Express.

Në 24 orët e fundit në vend janë shkaktuar 44 aksidente në trafik, 22 ishin me të lënduar ndërsa 22 me dëme materiale.

Gjatë kësaj kohe, Policia e Kosovës bën të ditur se ka shqiptuar edhe 561 gjoba për ata që nuk kanë respektuar rregullat në trafik.

Për shkak të aksidenteve të shumta në trafik, mëherët ishin rritur edhe dënimet për ata që nuk po respektojnë rregullat.

Megjithatë, përkundër dënimeve, numri i aksidenteve vazhdon të jetë i lartë në vend.

Shkaqet e aksidenteve janë të ndryshme por që vlerësohet se faktori njeri është më i shpeshtë, kjo pasi që shumë qytetarë nuk respektojnë rregullat e përgjithshme në trafik, vozisin shpejtë, nuk mbajnë distancë, përdorin gjatë vozitjes telefonat mobil, e vozisin nën ndikimin e alkoolit.