Gjatë tetë muajve të parë të këtij viti bashkatdhetarët tanë që jetojnë në shtete të ndryshme të botës dërguan në Kosovë më shumë se 608 milionë euro, deri sa gjatë periudhës së njëjtë të vitit paraprak gjatë 8 mujorit të parë të vitit respektivisht janar-gusht 2019 shuma totale e dërgesave ishte 533 milionë euro, raporton “Front Online”.

Bazuar në të dhënat zyrtare të Bankës Qendrore të Kosovës (BQK) shihet se gjatë muajit gusht 2020 shuma e dërgesave nga diaspora ishte 81,8 milionë euro,  deri sa gjatë periudhës së njëjte të vitit paraprak ishte 73,8 milionë euro. Gjatë muajit korrik të këtij viti shuma totale e dërgesave kishte arritur në 92,3 milionë euro, deri sa në korrik 2019 ishte 73,9 milionë euro. Po ashtu gjatë muajit qershor 2020 shuma totale e dërgesave kishte arritur në 82,9 milionë euro, nga 73,5 sa ishte qe qershorin e vitit 2019, raporton “Front Online”.

Bazuar në të dhëna të BQK-së shihet se gjatë muajit maj 2020 shuma e dërgesave nga diaspora kishte arritur në 104 milionë euro nga 78,4 sa ishte në maj 2019, në prill 2020 shuma totale e dërgesave kishte arritur në  60 milionë euro, deri sa në prill 2019 ishte 68,8 milionë euro, raporton “Front Online”.

Më tutje bazuar në të dhëna zyrtare shihet se dërgesat gjatë muajit mars 2020 ishin 61,7 milionë euro, deri sa në mars 2019 ishin 71,7 milionë euro, në muajin shkurt 2020 shuma totale e dërgesave ka arritur në 63.3 milionë euro, deri sa në shkurt 2019 ishte 56,6 milionë euro, si dhe gjatë muajit janar 2020 shuma totale e dërgesave kishte arritur në 62,3 milionë euro, nga 56,4 sa ishte në janar të vitit 2019, raporton “Front Online” / Front Online /