Telekomit të Kosovës i janë zbritur pagat deri në 60 për qind.

Kështu bën të ditur Drejtor i Departamentit për Relacion me Publik, Menduh Abazi.

Sipas tij, paga e kryeshefit dhe zyrtarëve të lartë të koorporatës tashmë janë ulur për 60%, drejtorëve të njësive 30 %, menaxherëve dhe zyrtarëve të niveleve me më pak përgjegjësi 20 % dhe një pjesë të punonjësve me 10 %.

Ky është i plotë njoftimi i tij:

Telekomi i Kosovës tashmë ka zbritur pagat deri në 60 %

Telekomi i Kosovës deri në vitin 2012 ka funksionuar i bashkuar si një kompani e vetme me Postën e Kosovës, ndërsa prej atëherë janë dy etnitete të ndara dhe nuk ka asgjë të përbashkët në kuptim e brendshëm organizativ.

Në opininion shumë shpesh po ju referohet Telekomit të Kosovës si Posta e Kosovës dhe publiku po keqinformohet për veprimet e njërës apo palës tjetër.

Rasti i fundit ka të bëjë me rritjen e pagave të zyrtarëve të lartë të Postës së Kosovës, pra jo të Telekomit.

Telekomi i Kosovës tashmë ka ulur pagat në mënyrë drastike për punonjësit e saj deri në masën prej 60%.

Pra paga e kryeshefit dhe zyrtarëve të lartë të koorporatës tashmë janë ulur për 60%, drejtorëve të njësive 30 %, menaxharëve dhe zyrtarëve të niveleve me më pak përgjegjësi 20 % dhe një pjesë të punonjëseve me 10 %.

Si kompani duke u bazuar edhe në gjendjen aktuale kemi ulur shumë shpenzimet për paga duke respektuar kështu edhe kërkesatë e aksionarit në rastin konkret qeverisë së vendit.

Bordi, menaxhmenti ekzekutiv dhe gjithë punonjësit edhe në këtë kohë pandemia ku prezenca jonë në punë është e kufizuar jemi duke u angazhuar maksimalisht në ofrimin e shërbimeve kualitative për konsumatorët tonë dhe kështu edhe ta rrisim performancës tonë financiare.