Union Berlini i ka shkaktuar humbje Werder Bremenit në elitën e futbollit gjerman.

Në kuadër të javës së 31-të në Bundesliga, skuadra kryeqytetase fitoi me rezultat 3:1 ndaj Werder Bremenit, shkruan FrontOnline.

Në këtë ndeshje, ylli i Kosovës, Milot Rashica luajti nga fillimi e deri në fund për Werderin.

Përkundër humbjes, Rashica e bëri një paraqitje të mirë në sulm sot.

Nga faqja prestigjioze e vlerësimeve, “WhoScored”, Rashica u vlerësua me notën 7.3.

Ndryshe, me këtë fitore, Union Berlini ngritet në vendin e shtatë me 46 pikë, kurse Werder Bremeni ndodhet në vendin e 14-t me 30 sosh./FrontOnline/