Mund të jenë të shijshme, por patatet e skuqura apo çipsat, janë një fajtor i rregullt për shtimin e peshës. Një studim i botuar në ‘New England Journal of Medicine’, zbuloi se patatet e skuqura ishin ushqimi numër një i lidhur ngushtë me shtimin e peshës. Studiuesit nga Harvard, të cilët kryen studimin, ndoqën peshën e rreth 120,000 pjesëmarrësve për një periudhë prej katër vjetësh. Mesatarisht, pjesëmarrësit morën 1.5 kilogramë në atë periudhë kohore, dhe ky ndryshim peshe katërvjeçare lidhej kryesisht me marrjen e patateve të skuqura, të cilat ishin fajtori kryesor për peshën totale të fituar me 0.76 kilogramë.

Pse patatet e skuqura?

Ashtu si shumica e mezeve, patatet e skuqura mund të jenë shumë të larta në kalori, veçanërisht nëse njerëzit shpesh hanë racione të mëdha”, thotë nutricionistja Lauren Manaker, themeluese e këshillimit virtual “Nutrition Now Counselling”. Manaker vëren se fakti që patatet e skuqura janë shumë kalorike nuk është arsyeja e vetme pse ky ushqim është “më” i dëmshëm. Arsyeja qëndron gjithashtu në faktin se është “ngjitëse” kur i kafshon dhe shumica e njerëzve hanë më shumë sesa duhet.

“Një racion numëron rreth 18 copë patate të skuqura. Sipas përvojës sime, rrallë dikush ha 18 copa, veçanërisht nëse kanë një pako familjare përpara. Patatet e skuqura na çojnë drejt ngrënies ‘pa mend’, kështu që është një rival i mbrapshtë për dietat dhe ushqimin e shëndetshëm”, thotë ajo, duke shtuar se nëse keni patate të skuqura ose nachos, keni edhe salcë, e cila është vetëm një marrje shtesë e kalorive./FrontOnline/