Sistemi i qarkullimit të gjakut njerëzor është jashtëzakonisht kompleks. Një rrjet kapilarësh, enësh gjaku dhe arterie shërben për të bartur gjakun plot oksigjen dhe lëndë ushqyese nëpër trupin e njeriut. Pa të, organet nuk do të ishin në gjendje të funksiononin fare. Edhe çrregullimi më i vogël mund të shkaktojë një shqetësim serioz të gjendjes shëndetësore të një individi, dhe madje ta vërë në dyshim jetën e tij. Truri vuan mjaft dhe presioni i gjakut rritet. Këto procese mund të rezultojnë në goditje në tru, sulm në zemër dhe sëmundje të tjera të rënda. Enët e gjakut bëhen veçanërisht të ndjeshme edhe pas koronavirusit, pasi që hulumtimet kanë treguar se virusi shkatërron enët e gjakut, dëmton punën e zemrës dhe madje çon në formimin e mpiksjes së gjakut. Por janë katër preparate të cilat ndihmojnë në pastrimin e enëve të gjakut pas kalimit të virusit.

Speca djegës

Speci djegës, megjithëse një përbërës i domosdoshëm në shumë pjata dhe salca për shkak të shijes së tij jashtëzakonisht pikante, parandalon akumulimin e kolesterinës falë përbërësit aktiv – kapsaicina. Zvogëlon nivelin e kolesterinës së keqe, e cila zvogëlon rrezikun e bllokimit të arterieve. Kontribuon në qarkullimin më të mirë të gjakut dhe një rrezik më të ulët të goditjes në tru dhe sulmit në zemër. Për të përgatitur një pije mjekësore, duhet të shtoni gjysmën e një lugë çaji piper kajene në 250 mililitra ujë të nxehtë. Pini këtë përzierje dy herë në ditë për disa javë.

Fenugreek

Fenugreek  është një barishte që rritet në zonën Mediterane dhe është e mirë për tretjen, yndyrën në gjak, përmirëson qarkullimin dhe përshpejton metabolizmin. Saponinat ndihmojnë në uljen e niveleve të kolesterolit LDL që bllokojnë arteriet. Për një pije mjekësore, vendosni një lugë çaji fenugreek në ujë dhe lëreni të tretet brenda natës. Të nesërmen në mëngjes, hani fenugreek të njomur me ujë në stomak bosh. Përsëriteni procedurën për disa muaj.

Fara liri

Bollëku i acidit alfa-linolenik (ALA) në farat e lirit zvogëlon inflamacionin dhe presionin e gjakut, i cili pastron arteriet dhe rrit shëndetin e përgjithshëm të zemrës. Farat e lirit përmbajnë fibra që lidhet me kolesterinën “e keqe” dhe ndihmon në pastrimin e enëve të gjakut. Për të pastruar arteriet e bllokuara, konsumoni çdo ditë dy deri në katër lugë fara liri. Ju mund të shtoni një lugë gjelle fara në supë, smoothie dhe lëngje, ose t’i shtoni në sallata.

Shega

Pasuria e fitokimikateve antioksiduese në gjak mbron enët e gjakut nga dëmtimi oksidativ që shkakton grumbullimin e pllakave dhe mpiksjes së gjakut në arterie. Dhe shega stimulon prodhimin e oksidit nitrik në gjak, i cili ndihmon në hapjen e arterieve dhe rregullimin e presionit të gjakut. Rekomandohet të hani një deri në dy fruta të freskëta në ditë, ose të pini një gotë me lëng të shtrydhur rishtazi./FrontOnline/