Situata në veri të Kosovës ka shkaktuar anulimin e aktivitetit të planifikuar për sot në kuadër të stërvitjes ushtarake ndërkombëtare “Defender Europe 2023”.
“Ju njoftojmë se për shkak të situatës në veri të vendit, aktiviteti i planifikuar për sot në kuadër të stërvitjes ndërkombëtare ‘Defender Europe 23’ është anuluar”, thuhet në njoftimin e Ministrisë së Mbrojtjes së Kosovës.
Kosova është një nga nikoqirët e “Defender Europe 23”, një stërvitje ushtarake ndërkombëtare në të cilën marrin pjesë 25 vende të NATO-s me më shumë se 22 mijë ushtarë.
Stërvitja filloi më 22 maj dhe pritet të zgjasë deri më 2 qershor./FrontOnline/
