Pasi emri i tij u përfol që nga mëngjesi i ditës së sotme, Enis Qerka ka reaguar në profilin e tij në Facebook.
I arrestuar nën dyshimin se është kapur me 113 kilogramë drogë, Enis Qerka, është emëruar këshilltar i Jashtëm i ministrit të Drejtësisë, Selim Selimi. Vendimin për emërimin e tij Ministria e Drejtësisë nuk e ka bërë publik, ndërsa pas raportimeve në media, ministri Selimi e liroi atë nga detyra.
E pak minuta më parë ka reaguar vetë Qerka, duke thënë se rasti i tij është shfrytëzuar me tendencë për hesape politike.
