Këngëtari i njohur Sabri Fejzullahu do të rikthehet në një rol për të parën herë pas afro 30 vitesh.
Bëhet fjalë për profesionin e aktorit, të cilin ai në tre dekadat e fundit e ka lënë anash.
Lajmin e ka bërë të ditur Sabriano përmes një postimi ku ka zbuluar edhe ‘fajtorët’ që e kanë bindur për rikthim, regjisori Shkumbin Istrefi e aktori e ligjëruesi Ilir Tafa.
Fejzullahu ka luajtur në disa komedi dhe video-filma. Ndër të tjerë ai ka luajtur me Ibrahim Krajkovën “Lecin” dhe Rasim Thaqin “Cimën”.
Pa harruar këtu, serialet “Kur pranvera vonohet” dhe “Autobusi”, komedinë “Qesh e ngjesh” me Xhevat Qenën, Leze Qenën, Ali Ahmetin dhe Adem Mikullovcin. Në filmografinë e këngëtarit të njohur gjenden mbi 20 filma, shumica të zhanrit komedi.
