Situatë e njëjtë metereologjike sikur sot do të vazhdojë të mbajë edhe nesër, raporton Instituti Hidrometereologjik i Kosovës.

Njoftimi i plotë:

Moti nesër, 15.11.2020

Situatë e ngjashme meteorologjike do të vijoj të mbajë edhe gjatë ditës së diele. Kjo si pasojë e masave anticiklonike të stacionuara mbi kontinentin Evropian, konkretisht mbi gadishullin e Ballkanit, të cilat do ta mbajnë këtë gjendje stabile. Prezenca e pak orëve me diell gjatë ditës do të krijoj kushte që mëngjesi i së dielës dhe mbrëmje të kenë mjegull të radiacionit apo rrezatimit tokësor. Temperaturat minimale do të zbresin deri në zero gradë Celsius, ndërsa maksimalet parashihen të lëvizin ndërmjet 9-11 gradë Celsius. Do të fryjë erë nga drejtimi i verilindjes e lehtë deri mesatare.