Nga grupi “Asnjë centë më shumë” pritet edhe protesta e radhës.

Siç ka bërë të ditur njëri nga organizatorët, Shenoll Muharremi, protesta e radhës do të mbahet të premten më 11 prill.

Protesta pritet të nis nga ora 11 në sheshin “Zahir Pajaziti”.

“Tybe, shumë mirë! Kjo shoqëri ka tepër nevojë me protestu. Demokracia ka ekzistu, po ma shumë në letra e për të fortin.. Nuk ka punu mjaft për qytetarin, e as për bizneset vendore. Tash po vjen koha me u ngrit për interesin publik, për energji të drejtë, për jetë më të mirë. Bravo djema e vajza! Kjo është patriotizëm, me luftu për qytetarin, për familjet, për bizneset”, shkroi ai në rrjetin social, Facebook.

Ndryshe, protesta e parë kundër shtrenjtimit të energjisë elektrike u mbajt të shtunën që lamë pas më datë 5, ku morën pjesë qindra qytetarë.

Ndërkohë organizuesit edhe të shtunën paralajmëruan se nëse nuk mirren masa për mosshtrenjtim të energjisë do të ketë edhe protesta të tjera.