Papa Françesku nuk do të shkojë në Bazilikën e Shën Pjetrit sonte ose nesër në mëngjes për të udhëhequr festimin liturgjik, për shkak të dhimbjes së nervit shiatik, njoftoi Selia e Shenjtë.

“Për shkak të shiatikut të dhimbshëm, Ati i Shenjtë nuk do të drejtojë festimet e mbrëmjes së sotme ose të nesërme,” tha në një deklaratë kreu i zyrës së shtypit të Selisë së Shenjtë, Matteo Bruni.

Mesha e mbrëmjes dhe Te Deum do të kryesohen nga kardinali Giovanni Battista Re, dhe raportohet Mesha e Shenjtë më 1 janar 2021 nga kardinali Pietro Parolin, sekretar i Shtetit.

Të premten, më 1 janar, “Papa Françesku do të drejtojë Angelus nga Biblioteka Apostolike e Vatikanit, siç ishte planifikuar”, njoftoi Vatikani.

Pak para Krishtlindjes, dy kardinalë nga shoqërimi i Papa Françeskut kontraktuan COVID-19, duke ngritur pyetje të reja rreth asaj se sa i mbrojtur është Ati i Shenjtë 84-vjeçar, i cili rrallë mban një maskë mbrojtëse.

Papa është në rrezik pasi në vitin 1957, në moshën 21-vjeç, pjesa e mushkërisë së tij të djathtë duhej të hiqej për shkak të pleuritit (inflamacion i mushkërive), sipas biografit të tij Austen Ivereigh.

Vatikani nuk ka thënë kur Papa Françesku mund të vaksinohet kundër COVID-19.