Një person është plagosur në lagjen “Dardania” të kryeqytetit.

Front Online është në vendin e ngjarjes dhe nga atje ka dërguar edhe disa fotografi ku shihet vendi ku ka ndodhur plagosja.

Ndërsa, lajmin e ka konfirmuar për FrontOnline, zyra për informim e Policisë së Kosovës.

Sipas policisë personi i cili është plagosur me armë zjarri  është dërguar për tretman mjekësor

“Sot rreth orës 12:30, policia ka marrë informacionin për një plagosje me arme zjarri në rrugën “Xhemajl Mustafa” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare një person është plagosur me armë zjarri dhe i njëjti është dërguar për tretman mjekësor. Aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin”, thuhet në përgjigjen e policisë./Front Online/

https://www.facebook.com/FrontOnlineMedia/videos/1403088573387093