Pas konfirmimit të aktakuzës për kryetarin e PDK-së, Kadri Veseli, ka ardhur reagimi i kryetarit të AKR-së, Behgjet Pacolli.“Ish-kryetari i Kuvendit të Kosovës Kadri Veseli si njëri ndër bartësit e saj, dinjitetshëm do të dalë nga ky proces i pakuptueshëm për ne. Agresori ka qenë shteti serb që ka kryer krime ndaj civilëve” shkruan Pacolli në Facebook.

Postimi i plotë:

Lufta e popullit të Kosovës për liri, nën ombrellën e UÇK është e shenjtë dhe e lavdishme. Ish kryetari i Kuvendit të Kosovës Kadri Veseli si njëri ndër bartësit e saj, dinjitetshëm do të dalë nga ky proces i pakuptueshëm për ne. Agresori ka qenë shteti serb që ka kryer krime ndaj civilëve. Drejtësia do të triumfoj pa marrë parasysh përpjekjet për dëmtimin e shtetit të Kosovës.
Unë sot, solidarizohem me Kadriun dhe luftëtarët e UÇK-së tonë.