Presidentja Vjosa Osmani ka uruar aleancën atlantike NATO-në për 76-vjetorin e themelimit të saj, duke e quajtur si unitet, forcë dhe paqe.
Në një postim në platformën X, ajo ka theksuar se sot nderohet aleanca e cila ka qëllimin se liria, dinjiteti dhe paqja ia vlen të mbrohen.
Osmani ka përmendur edhe ndërhyrjen e NATO-s në Kosovë para 26-viteve, ku me këtë u shënua edhe përfundimi i luftës së fundit.
“Njëzet e gjashtë vjet më parë, NATO ndihmoi në shpëtimin e miliona jetëve në Kosovë. Ajo mbetet ende shtylla kurrizore e paqes dhe sigurisë – në rajonin tonë, në të gjithë Evropën dhe në mbarë botën”.
“Kosova është e gatshme të kthejë. Ne kemi qëndruar krah për krah me aleatët tanë dhe do të vazhdojmë të qëndrojmë – si partnerë, si kontribuues dhe si anëtarë të ardhshëm”, tha Osmani.
Ajo shtoi se anëtarësimi në NATO nuk është vetëm qëllim i Kosovës, por është kapitulli tjetër në një udhëtim të përbashkët për paqen dhe sigurinë afatgjatë.
76 years of unity, strength, and peace — congratulations @NATO.
Today, we honor an Alliance built not just on power, but on purpose — the shared belief that freedom, dignity, and peace are worth defending.
Twenty-six years ago, NATO helped save millions of lives in Kosovo. It… pic.twitter.com/pETmYiadFL
— Vjosa Osmani (@VjosaOsmaniPRKS) April 4, 2025
