Kryetarja e Kuvendit të Kosovës, Vjosa Osmani,e ka cilësuar arrogant kryeministrin e Kosovës, Avdullah Hoti, raporton Front Online.

Sipas Osmanit, Hoti është duke u treguar arrogant me deputetët e Kuvendit të Kosovës.

“Ai më tha se pozita ime nuk ka funksion kushtetues. Unë i kam thënë atij që të lexojë kushtetuesen. Po mundohet të thotë se Kryetarja e Kuvendit nuk ekziston si institucion në këtë mënyrë ai po e humb edhe atë pak kredibilitet që e ka në Kuvend. Pakënaqësia me të është enorme. Po tallet në daljet në Kuvend dhe nuk e ka respektuar Kushtetutën në shumë vendime që i ka marrë. Për dallim prej Hotit unë kam legjitimitet”, thotë ajo.

Kritika Osmani pati edhe për platformën e dialogut të cilën Hoti sipas saj nuk e ka sjellur ende në Kuvend.

“Do të mbesë me duar në xhepa. Atë që e ka quajtur platformë për dialog, kurrë nuk e ka sjellë në Kuvend. Ka thënë se Skender Hyseni nuk ka kurrfarë funksioni, por kjo nuk është e vërtetë. E kemi parë se Lajcak ka bërë takime në nivel europian me Hysenin. Hoti nuk u treguar i sinqertë”, tha ajo në KTV. /Front Online