Presidentja Vjosa Osmani mbërriti në sallën e Kuvendit të Kosovës për adresimin e saj vjetor.
Ajo hyri në sallë së bashku me kryeministrin Albin Kurti dhe kryeparlamentarin Glauk Konjufca.
Ministrat u çuan në këmbë në momentin e hyrjes së saj në Kuvend dhe duartrokitën. Ndër ta edhe ministrja e Punëve të Jashtme, Donika Gërvalla.
PDK-ja po e bojkoton këtë seancë me arsyetimin se ajo “ka vazhduar të sillet në shpërputhje të plotë me rolin e saj kushtetues për të përfaqësuar unitetin e popullit duke demonstruar njëanëshmëri ndaj Albin Kurtit”.
