Lideri i Lëvizjes Vetëvendosje, Albin Kurti, bashkë me ushtruesen e detyrës së presidentit, Vjosa Osmani, iniciativa e se cilës i është bashkuar listës së Vetëvendosjes për zgjedhjet e 14 shkurtit, kanë takuar qytetarët e Obiliqit mbështetjen e të cilëve e kanë kërkuar për zgjedhjet që pritet të mbahen pas një jave.
Atyre u kanë premtuar një jetë më të mirë në katër vitet e ardhshme, pa korrupsion.
Derisa kanë ecur sheshit të Obiliqit, një qytetar u ka ofruar atyre picë, të cilën Kurti e ka pranuar dhe ngrenë gjatë kohës sa ka përshëndetur qytetarët.
“Me zemër. Mirë se erdhe në Kastriot”, ishin fjalët me të cilat qytetari i ofroi picë Kurtit e Osmanit.
Kurti mori një copë nga pica duke e shijuar atë gjatë ecjes nëpër sheshin e Obiliqit, ndonëse picën e refuzoi Osmani, një copë nga pica e mori këshilltari i saj, Faton Peci.
/Front Online/
