Ish-presidenti Barack Obama ka bërë thirrje për mbrojtjen e vlerave demokratike dhe kundërshtimin e politikave të presidentit Donald Trump, duke paralajmëruar amerikanët që të jenë të gatshëm të “sakrifikojnë” për të mbrojtur lirinë dhe drejtësinë sociale.
Gjatë një fjalimi në Kolegjin Hamilton në Nju Jork, Obama theksoi se është e rëndësishme që qytetarët dhe institucione të ndryshme të qëndrojnë të fortë përballë axhendës politike të Trump dhe të sigurojnë që të drejtat demokratike të mbrohen
Gjatë një fjalimi në Kolegjin Hamilton në Nju Jork, Obama theksoi se është e rëndësishme që qytetarët dhe institucione të ndryshme të qëndrojnë të fortë përballë axhendës politike të Trump dhe të sigurojnë që të drejtat demokratike të mbrohen.
Ka qenë e lehtë të thuash se je një progresist ose se je për drejtësinë sociale, por tani do të duhet të paguash një çmim për këtë”, tha Obama, duke theksuar nevojën për angazhim dhe sakrificë për të ruajtur vlerat demokratike.
Ish-presidenti shprehu shqetësimin e tij për tentativat e administratës Trump për të ndryshuar rendin ndërkombëtar dhe për të minuar lirinë e fjalës dhe sundimin e ligjit brenda SHBA.
Obama kritikoi politikat ekonomike të Trump, veçanërisht tarifat e reja, por gjithashtu theksoi shqetësimin e tij më të thellë për kërcënimet ndaj universiteteve që ushtrojnë të drejtën e fjalës së lirë. Ai iu referua veprimeve të administratës Trump për të tërhequr financimet federale nga universitetet që mbështesin diversitetin dhe lirinë akademike, duke paralajmëruar se studentët dhe shkollat duhet të jenë të gatshëm të mbrojnë vlerat e tyre, edhe nëse kjo do të sillte humbjen e fondeve federale.
“Na takon të gjithë ne ta rregullojmë këtë,” tha Obama, duke inkurajuar qytetarët të thonë “Jo, kjo nuk është e drejtë” dhe të veprojnë për të mbrojtur demokracinë dhe të drejtat e individëve.
