Barcelona e nis sezonin 2024/25 në Ligën e Kampionëve të enjten me një udhëtim në Monaco, ku trajneri Hansi Flick ka shprehur besimin se mund ta fitojnë.
Katalanasit shkojnë në këtë ndeshje në formë fantastike, pasi i kanë fituar të pesë ndeshjet e tyre në La Liga deri më tani këtë sezon.
Gjatë konferencës së tij për shtyp përpara ndeshjes me Monacon, ai pranoi se nuk ndihej i shqetësuar për betejat e fundit evropiane të klubit.
“Nuk më intereson e kaluara, duhet të fokusohemi në të tashmen. Skuadra ka pasur një rekord të plotë fitoresh në La Liga dhe ne kemi besim. Ne kemi nevojë për agresivitet dhe përqendrim, kjo është ajo që duhet në një garë si Liga e Kampionëve. Pesë fitoret janë tashmë në të kaluarën dhe ne duhet të dëshmojmë veten në këtë kompeticion”.
𝐇𝐚𝐧𝐬𝐢 𝐅𝐥𝐢𝐜𝐤 : ❝We work very hard and we show it in games, we are always focused. Now we open Champions League play against Monaco, a strong team. We are prepared and we are on the right path.❞#MonacoBarça pic.twitter.com/wPSpCdU5xu
— FC Barcelona (@FCBarcelona) September 18, 2024
“Një klub si Barcelona, si klubet e tjera të mëdha, duhet të dëshirojë të fitojë tituj. Liga e Kampionëve është kompeticioni më i mirë në botë. Duhet të jemi gati për të luajtur kundër skuadrave më të mira, por nëse nuk jeni 100% të fokusuar, nuk keni vend në këtë garë”, ka thënë Flick. /Telegrafi/
