Bazuar në të dhëna zyrtare të Bankës Qendrore të Kosovës (BQK) shihet se nga janari në qershor 2024 fitimi neto i bankave komerciale ka arritur në 90.9 milionë euro, dukshëm më i lartë se çdo vit paraprak. Front Online në bazë të një hulumtimi që ka realizuar ka siguruar të dhëna të detajizuara te të gjitha bankave në Kosovë për periudhën janar-qershor 2024.

Banka NLB në Prishtinë në bazë të raporteve financiare të publikuara nga vetë banka shihet se ka arritur rekordin e fitimit gjatë periudhës janar-qershor 2024. Gjatë kësaj periudhe kohore kjo bankë ka arritur të krijoj një profit të pastër neto prej hiç më pakë se 20 milionë euro, e që edhe zyrtarisht ketë bankë e renditë të parën në vend sa i përket profitit gjatë kësaj periudhe kohore, pra deri në fund qershorit 2024. Siç raporton Front Online përveç fitimit super të lartë kjo bankë nuk qëndron keq as sa i përket depozitave dhe kredive të klientëve. Sipas të dhënave financiare shihet se deri më 30 qershor depozitat e qytetarëve në këtë bankë kanë arritur vlerën prej 981 milionë euro, deri sa në anën kreditë e klientëve të bankës NLB kanë arritur vlerën prej 924 milionë euro.

Fitime milionëshe/Ja sa fitoi secila bankë komerciale sivjet, Front Online sjellë detajet