Vezir Rexhepi, njohës i fushës së energjisë, ka paralajmëruar se çdo rritje e mëtejme e çmimit të energjisë elektrike do të godasë rëndë familjet, dhe bizneset.
“Duke pasur parasysh aktualitetin ekonomik gjendjen sociale dhe trendët ekonomike, rritja e mëtejme e çmimit të energjisë elektrike edhe më shumë godet amvisërinë, ekonomitë familjare, bizneset, shërbimet si dhe sektorin e prodhimtarisë”, shprehet ai.
Ai deklaron për “Front Online” se duke marrë parasysh kontratat e KESCO-s me KEK, që përbëjnë rreth 80% të energjisë totale të furnizuar nga KESCO, është e nevojshme një analizë e detajuar.
“Bazuar edhe në kontratat e KESCO me KEK për blerje të energjisë, që përbën rreth 80% të energjisë totale nga KESCO konsideroj që duhet analizuar mirë tërë sektorët energjetik, KESCO, KOSTT, KEK e KEDS ashtu që konsumatorët të kenë energji pa rritje të çmimit të saj”, thotë Rexhepi për “Front Online”.
