×
  • Lajme
  • Lajme

    Një vit nga zgjedhja e kryetarëve të Veriut/ Çfarë bën kryetarët atje për një vit?

    Arbnor Buzhala
    28 Maj 2024

    Janë bërë një vit prej kur katër kryetarët kanë marr detyrat e tyre në katër komunat veriore të Kosovës. Lulzim Hetemi, Ilir Peci, Izmir Zeqiri dhe Erden Atiq, kanë mbushur vitin e parë nga marrja e detyrave në krye të komunave veriore të banuara me shumicë nga serbët, shkruan FrtonOnline.

    Me 25 maj të vitit të kaluar ata u betuan si kryetarë në komunat e tyre, por që u kontestua legjitimiteti i tyre për shkak të numrit të vogël të votave që kishin marr.

    Ndryshe nga Komunat tjera të vendit, ku betimi bëhet në objektet komunale, këta kryetarë betimin e tyre e kishin bërë në objekte alternative, shkaku i sigurisë.

    I vetmi që arriti të hyjë në komunë ishte Lulzim Hetemi i Lëvizjes Vetëvendosje me ndihmën e Policisë, i cili për shtatë muaj nuk doli nga aty.

    Por, zgjedhja e tyre nuk u prit aspak mire nga banorët serbë të cilët protestuan dhe bllokuan atë pjesë për ditë të tëra, duke u ngritur edhe tensionet.

     

    Nexhat Ugljanin: Vit i vështirë, por kemi pas sukses – I mbrojtëm institucionet në katër komunat veriore

    Kryesuesi i Kuvendit Komunal të Mitrovicës së Veriut, Nexhat Ugljanin, ka folur për FrontOnline për punën një vjeçare të kryetarëve të komunave veriore dhe po ashtu për punën e kuvendeve komunale.

    Ai e konsideron vit të vështirë, por që thotë se ka pasur sukses dhe progres gjatë këtij viti.

    ‘’Ka qenë vit i vështirë, sidomos kur kemi marr detyrën si kuvendar dhe si kryesues i kuvendit, kemi punuar në proces 6-7 mujor, derisa kryetarët i kanë marr postet, e kemi marr në gjendje me 12 punëtorë, dhe ne kemi përgatite terrenin për marrjen e detyrës’’, shprehet ai.

    Ugljanin thotë se Kuvendi i Mitrovicës Veriore është duke punuar dhe se po miraton vendime që po bëhen të obligueshme për zbatim në terren.

    ‘’ Kuvendi po punon, po miraton vendimet dhe ato janë të obligueshëm që ato vendime me i zbatu në terren’’, deklaron ai.

    Ai thotë se sfida më e madhe ishte mbrojtja e institucioneve.

     ‘’Sfida më e madhe ishte mbrojtja e institucioneve në katër komunat, pastaj sfidat ekzekutivë, fuqizimi i tyre në veri’’ potencon ai.

    Ugljani, thekson po ashtu se suksesi më i madh ishte mbrojta qytetare dhe shërbimi ndaj tyre.

     ‘’Suksesi më i madh ishte po ashtu mbrojtja institucionale dhe mbrojtja qytetare dhe ata te kenë shërbime me të larta cilësore. Ne me marrjen e detyrave i kemi rregulluar dhe fuqizuar rregulloret’’ shton tutje ai.

    Për fund, ai thekson se në këto katër komuna më pare s’ka pasur ligj, ndërkaq tani kanë ndryshuar gjërat.

    ‘’Këto katër komuna s’kanë punuar me ligjet e vetëqeverisjes lokale dhe ne kemi marr hapa menjëherë që ne me qenë njëjte sikur komunat tjera dhe kjo është arritja më e madhe. Këtu ka qenë një lloj anarkie dhe tash kanë ndryshuar gjërat’’ përfundon Ugljani për FrontOnline.

     

     

    Deputetja e AAK-së: Kryetarët e Veriut, më shumë fiktiv se sa cilësor

    Deputetja e AAK-së¸Time Kadrijaj, për FrontOnline thotë se nuk ka ndonjë raport që vlerëson punën e katër kryetarëve të komunave veriore.

    ‘’Nuk kemi ndonjë raport që me e vlerësu punën e tyre. Duke e ditur edhe situatën cila ka qenë, edhe mundësia që ata me ushtru detyrën e tyre ka qenë problematike’’ thotë ajo.

    Ajo deklaron se nuk iu është dhënë mundësia që me pas performance të mire, duke thënë se ndoshta MAPL e ka ndonjë raport punë për ta.

    ‘’Atyre nuk iu është dhënë mundësia me pas performancë të mirë. Ndoshta MAPL e ka ndonjë raport pune, por ne nuk mundemi me vlerësu punën e tyre’’ deklaron ajo.

    Kadrijaj thotë se më shumë duken si kryetarë fiktiv se sa cilësor.

     ‘’Fakt përqindja e votave që kanë marrë, pastaj peticioni, masnej bllokada, e jep me kuptu se ata kanë qenë më shumë kryetar fikitivë se sa cilësor në rrethanat që janë’’ përfundon ajo.

     

     

    Muhaxhiri për kryetarët në komunat veriore: Nuk ishin kualitativ, ishin formal – Mbajtja e tyre në pushtet, lojë politike e Qeverisë

    Analisti politik, Artan Muhaxhiri, për FrontOnline thotë se puna dhe se si e kanë marrë pushtetin kryetarët në komunat veriore, ka qenë në kushte jo normale.

    ‘’Puna e tyre ka nis dhe është zhvilluar në kushte jonormale. Procesi se si ata kanë ardhur në pushtet ka qenë i jashtëzakonshëm dhe nuk mund të krahasohen me kryetarët e komunave tjera. Pozicioni i tyre më shumë ka qenë formal se sa kualitativ, pra më shumë kanë qenë fiktiv, se sa kryetar real. Ka qen. Puna e tyre ka nis dhe është zhvilluar në kushte jonormale’’, deklaron ai.

    Muhaxhiri, deklaron se puna e tyre nuk mund të krahasohet me punën e kryetarëve tjerë dhe se ata më shumë kanë qenë kryetar formal se sa kualitativ.

    ‘’ Pozicioni i tyre më shumë ka qenë formal se sa kualitativ, pra më shumë kanë qenë fiktiv, se sa kryetar real. Ka qenPuna e tyre ka nis dhe është zhvilluar në kushte jonormale. Procesi se si ata kanë ardhur në pushtet ka qenë i jashtëzakonshëm dhe nuk mund të krahasohen me kryetarët e komunave tjera. Pozicioni i tyre më shumë ka qenë formal se sa kualitativ, pra më shumë kanë qenë fiktiv, se sa kryetar real. Po nuk kanë pasur sukses’’ shton ai për FrontOnline.

    Muhaxhiri e quan lojë politike të Qeverisë mbajtjen e kryetarëve shqiptarë në komunat veriore

    ‘’Ka qenë një lojë politike për mbajtjen e tyre në pushtet dhe se tendenca e tyre ka qenë shtrirja e pushtetit në veri me anë të kryetarëve, por pushteti i tyre është i paqendrueshëm sepse nuk përfaqësojnë vullnetin politik të atyre komunave dhe kur do që mbahen zgjedhjet dhe mbajtja e tyre të bëhet në kushte normale, ata nuk do të jenë më. Në realitet nuk kanë krijuar ndonjë ndikim, pra nuk kanë qenë përfaqësues të vullnetit politik’’ thotë ai.

     

     

    Shala: Situata është nën kontrollë, por nga Serbia në çdo moment mund të presim aktivitete kriminale

    Njohësi i çështjeve së sigurisë, Drizan Shala, derisa flet për një vjetorin e katër kryetarëve në komunat veriore, për FrontOnline e konsideron të qetë gjendjen në Veri dhe thotë se Policia e Kosovës e ka nën kontrolle atë pjesë.

    ‘’Sa i përket gjendjes se qeverisjes në katër komunat veriore, mund të konstatojmë se Policia e Kosovës ka në duar, kontrollin e saj në katër komunat veriore, që ishin vatër e aktiviteteve kriminale dhe strukturave të Serbisë’’ thekson ai.

    Ai shton se situata edhe pse është nën kontrolle, mund të ketë nga momenti në moment nxitje të situatës nga Serbia.

    ‘’Mund të vijmë në një konkludim se siguri a deri më tani është nën kontrolle. Nga pjesa e Serbisë mund të presim nga momenti në moment nxitje të situatës në atë pjesë si dhe aktivitete kriminale që nxisin në prishjen e qetësisë në atë pjesë’’ deklaron ai.

     

    Black Friday në NimiTV | 13 muaj abonim për vetëm 6€ muaji
    Nga Rubrika
    Lajme24 Qershor 2024
    “Bixhoz i rrezikshëm” – kështu e përshkruan shumë media perëndimore vendimin e presidentit të Francës, Emmanuel Macron, për të shpallur zgjedhjet e parakohshme legjislative....
    Lajme24 Qershor 2024
    Kryetari i Sindikatës së Punëtorëve të Sektorit Privat, Jusuf Azemi, ka bërë të ditur se është takuar me sekretarin e Kuvendit të...
    Ekonomi24 Qershor 2024
    Banksa Qendrore e Kosovës ka publikuar statistikat e bankave komerciale për muajin maj. BQK thotë se “vlera e përgjithshme e Aseteve të...
    Të tjera
    Lajme24 Qershor 2024
    Ministrja gjermane e Çështjeve Sociale dhe Shëndetësisë, Ursula Nonnemacher do ta vizitojë Kosovën për të mësuar rreth rekrutimit të stafit të ri infermieror nga...
    Lajme24 Qershor 2024
    Kryeqyteti i Kosovës, Prishtina, është goditur mbrëmë nga vërshime të shumta të shiut. Shumë rrugë janë mbuluar nga uji e shumë biznese...
    Lajme24 Qershor 2024
    Kryetari i Prishtinës Përparim Rama ka paralajmëruar sërish përkeqësim të motit në Prishtinës rreth orës 17:00. Prandaj ai i ka bërë një...
    Bota/Rajoni24 Qershor 2024
    Pasi ka marrë zyrtarisht votimin e Kuvendit, Hristjan Mickoski ka zhvilluar një takim ceremonial me Talat Xhaferin, i cili i ka dorëzuar...
    Lajme24 Qershor 2024
    Qendra Klinike Universitare e Kosovës (QKUK), ka njoftuar se përkundër reshjeve të dendura të shiut dhe pamundësisë së përpunimit të ujit nga...
    Vip24 Qershor 2024
    Gabriela Arapi dhe Ilnisa Agoli janë përballur në “Top Arena” me njëra-tjetrën, ku janë sqaruar edhe për deklaratën që ka bërë ish-konkurrentja...

    FrontOnline, © 2024 Të gjitha të drejtat e rezervuara.