Kur bëhet fjalë për veturat, kinezët tashmë kanë kopjuar gjithçka që vlen të përmendet, ndaj nuk është çudi që një kopje e Bugatti Chiron tashmë është shfaqur për vetëm 4700 euro. Ndryshe nga origjinali, kjo kopje e paturpshme nuk jep karakteristika sportive që të lënë pa frymë, por krejt e kundërta, ngasja elektrike me shpejtësi ku makina do të jetë kryesisht një shqetësim në trafik.

Makina e quajtur Shandong P8 në vend të motorit W16 me katër turbo dhe 1500 HP që ka Chiron, përdor një motor elektrik modest me vetëm 3.35 HP për shtytje. Jo nuk është gabim, motori i tij është më i dobët se shumica e skuterëve modernë.

Bateria 72 volt siguron një distancë maksimale prej 150 km. Shpejtësia maksimale në teori është 65 km/h, por duke qenë se kjo makinë në Kinë i përket kategorisë së atyre që mund të drejtohen pa patentë shoferi të kategorisë B, shpejtësia është e kufizuar me ligj në 50 km/h.

Edhe pse është aq i shpejtë sa një skuter i zakonshëm 50cc, Bugatti kinez nuk është saktësisht një makinë në miniaturë. Është 410 cm i gjatë, dhe në brendësi, ndryshe nga Bugatti, ka jo dy, por katër vende. “Makina” ofrohet në disa kombinime dyngjyrëshe dhe elementët e dizajnit të kujtojnë në mënyrë të papërmbajtshme Chiron, edhe pse në pamje të parë duket qartë se është një kopje shumë e keqe.

Brenda, Bugatti kinez është i pajisur me një ekran me prekje 7 inç, një timon sportiv dhe një sistem multimedial që mund të shfaq edhe video. Cilësia e ndërtimit është padyshim shumë larg standardeve të Bugatti, siç është gjithçka tjetër në këtë makinë. Pyesim veten se si do të reagojë Bugatti ndaj kësaj kopjeje të paturpshme./FrontOnline/