Një grua e moshuar rreth moshës 90-vjeçare ka ndërruar jetë në Spitalin e Përgjithshëm në Gjilan të martën.

Ndërsa i biri i saj pretendon se kjo ka ndodhur për shkak të mosdhënies së ndihmës mjekësore.

Lidhur më këto pretendime nga ana e familjarit të të ndjerës, Policia e Kosovës ka nisur hetimet.

“Ankuesi mashkull kosovar ka raportuar se dyshohet se si pasojë e mosdhënies së shërbimit mjekësor viktima femër kosovare ka ndërruar jetë. Lidhur me rastin në vendngjarje kanë dalë njësitë kompetente policore për trajtim të rastit”, thuhet në raportin e Policisë.

Po ashtu është bërë e ditur se me urdhër të prokurorit të shtetit trupi i pajetë i viktimës është dërguar në IML-së për obduksion.