Një rast tragjik ka ndodhur në qytetin e Prizrenit pasditen e së martës, ku një person i moshës 30-vjeçare dyshohet se ka kryer vetëvrasje.

Zëdhënësi i Policisë për rajonin e Prizrenit, Shaqir Bytyqi, është deklaruar për “Front Online” duke thënë se viktima është dërguar në urgjencën e Spitalit të Prizrenit pa shenja jete.

Bytyqi ka thënë se lidhur me rastin është njoftuar edhe Prokurori i shtetit, ku trupi i viktimës është dërguar për obduksion në IML.

“Me datë 22.04.2025 rreth orës 16:45 policia ka marre informatën se dyshohet se një person pa shenja jete është në urgjencën e Spitalit Rajonal të Prizrenit. Patrulla policore i është përgjigjur rastit dhe me të arritur në emergjencë nga mjeku kujdestar në emergjencë është informuat se në spital një person mashkull, rreth 30 vjeçar është pa shenja jete dhe dyshohet se ka kryer vetëvrasje”, ka bërë të ditur Bytyqi.