Policia e Kosovës njoftoi se ka pranuar informacion për një person që është prezantuar rrejshëm si zyrtar policor.

Rasti ka ndodhur të hënën në Leposaviq, ku thuhet se i dyshuari është evidentuar nëpërmjet mesazheve të shkëmbyera në rrjetet sociale.

Rasti është iniciuar si “prezantim i rremë” derisa po vijojnë hetimet.

“Raportohet se policia përmes rrugëve operative ka pranuar informatë se një i dyshuar mashkull kosovar përmes rrjeteve sociale ka shkëmbyer SMS duke u prezantuar si polic. Lidhur me rastin është njoftuar prokurori, ndërsa rasti shkon në procedurë të rregullt”, thuhet në raportin policor.