Pavarësisht situatës me pandeminë COVID-19, kjo nuk e ka ndaluar komunën e Prishtinës që të nis stolisjen e shesheve me rastin e festave të fundvitit.

Kryetari i Prishtinës, Shpend Ahmeti përmes një postimi në Facebook, ka shkruar se stolisja e shesheve ka nisur sot.

“Viti 2020 ishte plot sfida për të gjithë ne dhe këto festa të fundvitit do të i presim në kushte krejt më ndryshe se zakonisht. Pavarësisht të gjitha këtyre, kemi filluar përgatitjet për të përmbyllur këtë vit në atmosferë festive duke uruar që të kemi mbarësi, shëndet dhe momente të bukura me njerëzit e dashur rreth nesh”, ka shkruar Ahmeti./FrontOnline/