Koalicioni AAK – Nisma – Konservatorët – Forumi Intelektual E-30 dhe Lista Ideal hapi sot zyrtarisht fushatën zgjedhore në sallën “1 Tetori” në Prishtinë.

Kandidati për kryeministër i këtij koalicioni, Ramush Haradinaj ka thënë se në këtë koalicion qëndron e vërteta e njerëzve që dhanë shumë për lirinë e Kosovës.

Haradinaj shtoi se me njerëz të zotë që ka ky koalicion, dhe një plan të mirë, fitorja është garantuese.

“Ne e themi të vërtetën, dhe e themi shqip, nuk i mëshojmë rrotull. E vërteta është kështu, në kohëra të vështira të popullit tonë, janë krijuar njerëz të zotë, një pjesë e tyre janë në tokë, e një pjesë janë gjallë, por ia kanë sjell lirinë këtij vendi. E jemi ne.

“Kur vjen koha e mirë, krijohen, dalin edhe njerëz të ligë, Albin Kurti është njeri i lig, klika e tij janë njerëz të ligë. E kur vinë njerëzit e ligë si Albin Kurti, e bien kohën e keqe prapë. Për këtë arsye sot, nevojiten edhe një herë njerëzit e zotë, dhe ja ku i keni. Për me fitu Kosova, duhet me heq mashtruesin, se duam siguri, siguri të plotë, e siguri të përjetshme. Shko Albin, shko Nagip, shko Dejonë, shko Martin, se s’duam me na vjedh”, u shpreh Haradinaj.

“Kur bëhen bashkë njerëzit e zotë, dhe një plan i mirë, atëherë suksesi është i garantuar. Për Kosovën fituese, ja sot, ja kurrë. E sot po, sot 137. Më 9 shkurt po”.