×
  • Kronika
  • Kronika

    Ngrihet aktakuzë ndaj katër zyrtarëve të Trepçës, akuzohen për këto vepra penale

    FrontOnline
    15 Prill 2024

    Prokuroria Themelore në Mitrovicë ka njoftuar se ka ngritur aktakuzë ndaj katër zyrtarëve te ndërmarrjes “Trepça” për “Keqpërdorim të pozitës apo autoritetit zyrtar” dhe ndaj njërit prej tyre edhe për “Konflikt interesi”.

    “Prokuroria Themelore në Mitrovicë – Departamenti i Krimeve të Rënda, ka ngritur aktakuzë, në Gjykatën Themelore në Mitrovicë, kundër të pandehurve H.U., Q.B., S.I., dhe Xh.T për shkak të dyshimit të bazuar mirë për kryerjen e veprës penale “Keqpërdorimi i pozitës apo autoritetit zyrtar“, dhe ndaj Xh.T, edhe për veprën penale “Konflikti i interesit”.”

    Komunikata e plotë:

    Mitrovicë, 15 prill 2024 – Prokuroria Themelore në Mitrovicë – Departamenti i Krimeve të Rënda, ka ngritur aktakuzë, në Gjykatën Themelore në Mitrovicë, kundër të pandehurve H.U., Q.B., S.I., dhe Xh.T për shkak të dyshimit të bazuar mirë për kryerjen e veprës penale “Keqpërdorimi i pozitës apo autoritetit zyrtar“, dhe ndaj Xh.T, edhe për veprën penale “Konflikti i interesit”.

    Të pandehurit H.U., Q.B., S.I., akuzohen se në cilësinë e personave zyrtarë në ndërmarrjen “Trepça“ SH.A, me dashje duke e shfrytëzuar detyrën zyrtare i tejkalojnë kompetencat e tyre dhe nuk i përmbushin detyrën zyrtare me qëllim që personi A.T., të përfitojë dobi, ashtu që duke mos përfillur dispozitat ligjore për rregullimin e procedurave të konkursit në sektorin publik, i pandehuri H.U., në cilësinë e kryetarit të komisionit dhe të pandehurit Q.B., S.I., në cilësinë e anëtarëve të komisionit për pranimin e një punonjësi – vozitësi të menaxherit në ndërmarrjen “Trepça“ SH.A, e përpilojnë dhe nënshkruajnë raportin për propozimin e kandidatit të vetëm A.T., për pranimin në pozitën e shoferit, edhe pse e kanë ditur se në këtë rast duhet përsëritur konkursi pasi që nuk kanë qenë tre (3) kandidatë që i plotësojnë kushtet me konkurs.

    Ndërsa, i pandehuri Xh.T., në cilësinë e personit zyrtar U.D Menaxher i Ndërmarrjes “Trepça“ SH.A, akuzohet se me dashje nuk i përfillë dispozitat ligjore, duke tejkaluar kështu kompetencat e tij dhe nuk i përmbushë detyrat zyrtare me qëllim të përfitimit të dobisë pasurore për personin A.T., ashtu që konkursi për pozitën vozitës i menaxherit të Ndërmarrjes “Trepça“ SH.A., edhe pse është dashur të jetë i hapur pesëmbëdhjetë (15) ditë nga data e publikimit, i njëjti konkurs ka mbetur i hapur vetëm tetë (8) ditë, e po ashtu është dashur të përsëritet konkursi pasi që nuk kanë qenë tre (3) kandidatë që i plotësojnë kriteret e parapara me konkurs.

    Po ashtu, i pandehuri Xh.T., në cilësinë e personit zyrtar U.D Menaxher i Ndërmarrjes “Trepça“ SH.A me dashje nuk i përfillë dispozitat ligjore të “Ligjit për parandalimin e konfliktit të Interesit në ushtrimin e funksionit publik“ dhe merr pjesë personalisht në çështje zyrtare në të cilën anëtari i familjes së tij ka interes financiar, ashtu që merr vendimin Nr. 809 të datës 29.03.2019 mbi pranimin në marrëdhënie pune të vëllaut të tij A.T., në kohë të pacaktuar në pozitën “Vozitës“ në këtë ndërmarrje.

    Me këto veprime, të pandehurit kanë kryer veprat penale të cilat u vihen në barrë. Prokurori i Shtetit, i ka propozuar gjykatës që të pandehurit t`i shpallë fajtor për veprat e kryera penale dhe ta dënojë sipas ligjit.

    Njoftimet nga KEDS, vendet që do të mbesin nesër pa rrymë
    Nga Rubrika
    Kronika24 Maj 2024
    Policia në Pejë sot ka pranuar njё video incizim nga njё qytetar, ku shihet se njё veturё me datё 21.05.2024 bёn tejkalim...
    Kronika24 Maj 2024
    Dy persona janë lënduar si pasojë e një vetaksidenti në rrugën Shtime – Prizren, ku një kamion është rrokullisur. Zëdhënësi i policisë...
    Kronika23 Maj 2024
    Spitali i Përgjithshëm i Pejës ka njoftuar se ka vdekur kirurgu, Hysen Mazrekaj . Në njoftimin e këtij spitali thuhet se mbledhja...
    Të tjera
    Bota/Rajoni25 Maj 2024
    Të paktën dy persona janë vrarë pasi një dyqan i mbushur me njerëz në qytetin ukrainas të Kharkiv u godit nga sulmet...
    Lajme25 Maj 2024
    Me një organizim nga PDK-ja, sot në Finlandë, u themelua Këshilli për Organizimin e Kuvendit të partisë atje. Ky këshill prej 24...
    Lajme25 Maj 2024
    Zëvendëskryeministrja dhe ministrja e Punëve të Jashtme dhe Diasporës, Donika Gërvalla, në kuadër të vizitës zyrtare në Uashington D.C mbajti një ligjëratë...
    Lajme25 Maj 2024
    Ministri i Punëve të Brendshme, Xhelal Sveçla, ka bërë të ditur se me ftesë të Federatës së Çiklizmit të Kosovës dhe grupit...
    Sport25 Maj 2024
    Është mbyllur xhiro e fundit e Superligës së Kosovës në futboll, ku Ballkani e ka mposhtur Prishtinën, ndërsa Gjilani e ka siguruar...
    Vip25 Maj 2024
    Nora Istrefi dhe Robert Berisha kanë vite që janë ndarë. Por se si qëndron raporti i tyre në ditët e sotme, e...

    FrontOnline, © 2024 Të gjitha të drejtat e rezervuara.