Komisioni i përbashkët Parlamentar për Stabilizim Asociim BE – Kosovë në mbledhjen e sotme ka miratuar planin e punës, ku edhe u shfaqen kritika për mos miratimin në Kuvend të Programit Kombëtar për Zbatimin e Marrëveshjes së̈ Stabilizim-Asociimit (PKZMSA) 2020 – 2024.
Kryetari i komisionit, Arben Gashi, derisa kërkoi votimin e këtij programi tha se Kuvendi duhet të ketë edhe një njësi- departament që është në funksion të këtij komisioni.
“Të kryhet edhe një procedurë formale në komisionin tonë, shohim nëse ka diçka që duhet me u shqyrtua dhe diskutua nga ky plan kombëtar i zbatimit të MSA-së dhe të rikthejmë në Kuvend për votim”, tha ai.
E mos miratimi i këtij plani deri tash, u kritikua nga deputetja e LVV-së, Fitore Pacolli-Dalipi, e cila tha se në këtë formë vendi do të dalë shumë keq.
“Ne e dina që PKZ-MSA-të e viteve të kaluara kanë kaluar shumë më herët, por nga mungesa e vullnetit të qeverisë nuk janë përmbushur as 50 përqind. E tani jemi në një situatë kur vjen PKZ-MSA në fund të vitit e presim të përmbushet. Kjo nuk mundet me u realizu , ne para BE-së kemi me dal shumë keq se nuk mundet me u realizu asnjë pjesë e kësaj”, tha ajo.
Ndërkaq, deputetja e PDK-së, Blerta Deliu-Kodra tha se ngecjet në zbatimin e BE-së kanë qenë më të theksuara gjatë fazës së pandemisë.
“Kemi pas ngecje, e ato kanë me qenë të theksuara sidomos në këtë fazën e pandemisë që neve na duhet pak më shumë që Kuvendi me shtyrë agjendën që me pas një trup të veçantë. Jo rrallë ka pas përplasje se Komisioni për Integrime me pas përgjegjësinë për delegacionin, apo duhet kryesia e Kuvendit si trup të koordinohet me delegacionin e Kuvendit të Kosovës për MSA-në”, tha ajo.
Ndër deputetë të tjerë të komisionit u kërkua edhe rikthimi në këtë plan i disa projektligjeve që qeveria Hoti i ka tërhequr. Derisa pati të tillë që kërkuan edhe rikthimin e Ministrisë së Integrimeve Evropiane
