×
  • Lajme
  • Lajme

    Nga ora 12:00 vazhdon seanca konstituive, PDK dhe LDK përsëri do t’ua kërkojnë dorëheqjet qeveritarëve

    FrontOnline
    17 Prill 2025

    Pasi Lëvizja Vetëvendosje tha se ishte para një situate të cilës pretendon se nuk ia di vazhdimin, këtë ia tregoi presidentja Vjosa Osmani, e cila i ktheu përgjigje kryesuesit të seancës konstituive, Avni Dehari, për t’i thënë se seanca konstituive e Kuvendit e ndërprerë të martën, do të duhej të vazhdonte sot, pasi ai i kishte kërkuar mendim për rrugën që duhej ndjekur më tej.

    Seanca do të vazhdojë, siç ka bërë të ditur nga Kuvendi dje pasdite përmes një njoftimi për media. Deputetët do të mblidhen sërish sot atje për vazhdimin e seancës që pritet të fillojë në ora 12:00.

    Deputetët e Partisë Demokratike të Kosovës, të Lidhjes Demokratike të Kosovës dhe ata të Aleancës për Ardhmërinë e Kosovës do të jetë në sallën kryesore të Kuvendit në atë orë.

    Ata do të kërkojnë sërish dorëheqjet e qeveritarëve.

    Nënkryetarja e PDK-së, Vlora Çitaku i tha Gazetës Express dje se “asgjë nuk ka ndyshuar” sa i përket kërkesës për dorëheqjen e qeveritarëve, duke konfirmuar se këtë do ta kërkojnë edhe sot.

    Kryetari i LDK-së, Lumir Abdixhiku tha se kjo parti “do të vazhdojë të sillet në mbrojtje të ligjeve e Kushtetutës dhe sëkëndejmi të vet Republikës”.

    “Nesër, sërish, përfaqësuesit tanë do të kërkojnë dorëheqjen e gjithë atyre që me zor duan t’i mbajnë dy poste përjashtuese në të njëjtën kohë. Do ta kërkojnë si obligim ligjor, si rrjedhë kushtetuese, si logjikë demokratike!”, shkroi ai dje në një postim në Facebook.

    Lëvizja Vetëvendosje pretendon se i ka shumicën e votave të nevojshme për zgjedhjen e kryetarit të Kuvendit, por seanca konstituive që nisi të martën nuk vazhdoi më shumë se deri te procesi i votimit të raportit të komisionit të përkohshëm parlamentar për verifikimin e kuorumit dhe të mandateve. Ishin vetëm 52 deputetë që votuan për këtë raport, 46 ishin kundër dhe 11 abstenuan.

    PDK-ja, LDK-ja dhe AAK-ja votuan kundër këtij raporti, pasi thanë se në të kundërtën do ta shkelnin ligjin. Ato thanë se Albin Kurti dhe anëtarët e tjerë qeveritarë që janë zgjedhur deputetë do të duhej të jepnin dorëheqje paraprakisht, sipas ligjit të ri për Qeverinë.

    LVV-ja pretendoi se në komisionin e përkohshëm kishte paraqitur një letër e dorëheqjes së Kurtit nga pozita e kryeministrit, por këto parti nuk e konsiderojnë atë akt të njëmendtë dorëheqjeje. Në fakt kështu mendon edhe Enver Hasani, ish-kryetar i Gjykatës Kushtetuese, i cili letrën e konsideron “jovalide” dhe thotë se s’ka “asnjë vlerë”.

    Pas ndërprerjes së seancës konstituive të Kuvendit vazhdimi ishte i qartë sipas ish-kryetarit të Gjykatës Kushtetuese, i cili paralajmëroi se një bllokadë me mosmbledhjen e deputetëve të enjten paradite është “shkelje e çdo norme juridike që vlen për konstituim të Kuvendit”.

    Deputeti i zgjedhur i LVV-së, Arbër Rexhaj tha se i kanë votat e nevojshme që sot ta zgjedhin kryeparlamentarin.

    “Mendoj që nesër pra ne do ta zgjedhim kryeparlamentarin dhe për këtë gjë i kemi siguruar (votat). Jemi në proces të krijimit të numrave. E keni parë Nismën atë ditë, ka votuar ‘për’”, tha ai mbrëmë në Kanal10.

    Nga Rubrika
    Lajme11 Maj 2025
    Deputetja e zgjedhur e PDK’së, Sala Jasharit, që si deputetja më e re po i ndihmon Avni Deharit në kryesimin e seancave,...
    Lajme11 Maj 2025
    Java e ardhshme parashihet të jetë e paqëndrueshme, diell, vranët dhe reshje shiu. Instituti Hidrometeorologjik i Kosovës bën të ditur se minimalja...
    Lajme11 Maj 2025
    Kryetari i Komunës së Suharekës, Bali Muharremaj, për FrontOnline ka bërë të ditur se është i gatshëm të rikandidojë për një mandat...
    Të tjera
    Sport11 Maj 2025
    Uta Ibrahimi ka ngjitur edhe majën e 14-të më të lartë në botë. Atë e ka uruar ish-presidentja Atifete Jahjaga, duke i...
    Lajme11 Maj 2025
    Kryetari i Komunës së Klinës, Zenun Elezaj, për FrontOnline ka konfirmuar se do të jetë sërish kandidat për kryetar në zgjedhjet lokale...
    Lajme11 Maj 2025
    Policia dje ka pranuar informatë nga një qytetar atje se gjatë riparimit të ulesës së veturës së tij në Kamenicë, ka gjetur...
    Lajme11 Maj 2025
    Tre persona janë therur me thikë si pasojë e një incidenti që ka ndodhur në orët e para të ditës së sotme...
    Bota/Rajoni11 Maj 2025
    Një tërmet ka goditur para pak çastesh Malin e Zi. Tërmeti ka ndodhur 79 kilometra larg kryeqytetit Podogrica. Sipas vlerësimeve të para...
    Lajme11 Maj 2025
    Kryetari i Komunës së Vushtrrisë, Ferit Idrizi, për FrontOnline ka deklaruar se ende nuk ka marrë një vendim për rikandidimin e tij...
    -->

    FrontOnline, © 2025 Të gjitha të drejtat e rezervuara.