Rezultatet e hulumtimit, të kryera nga shkencëtarët francezë nga Qendra Mjekësore Universitare në Toulouse, tregojnë se rrudhat në pjesën e sipërme të fytyrës mund të paralajmërojnë probleme të mundshme me zemrën dhe enët e gjakut, transmeton FrontOnline.

“Ju nuk mund të shihni ose ndjeni faktorë rreziku siç janë nivelet e larta të kolesterolit në gjak ose presioni i lartë i gjakut. Ne studiuam rrudhat e ballit sepse ato janë aq të thjeshta dhe shumë të dukshme”, thotë autorja e studimit, Jolanda Esquirol.

Megjithëse mjekja nuk deklaroi se cila mund të jetë lidhja midis atij lloji të rrudhave dhe sëmundjeve kardiovaskulare, ajo vuri në dukje se një ballë e rrudhur mund të ketë të bëjë me një ulje të elasticitetit të arterieve për shkak të akumulimit të depozitave në muret e tyre.

Rrudhat në ballë mund të jenë një shenjë e një sëmundjeje të rëndë

Për shkak se enët e gjakut në ballë janë shumë të vogla, ato janë më të ndjeshme ndaj tkurrjes, që do të thotë se mund të jetë një shenjë e hershme e plakjes së parakohshme. Studimi u krye për 20 vjet, dhe ai përfshiu 3,200 të rritur të shëndetshëm të cilët ishin 32, 42, 52 dhe 62 vjeç kur filloi studimi. Secili pjesëmarrës u vlerësua në varësi të thellësisë së rrudhave në ballë. Pikat shkonin nga zero në tre.

U zbulua se ata që morën një pikë kishin një rrezik më të lartë për të vdekur nga sëmundjet kardiovaskulare sesa ata që morën zero pikë, ndërsa ata me dy ose tre pikë kishin një rrezik 10 herë më të lartë.

Një vështrim në fytyrën e një personi mund të zbulojë një problem të mundshëm shëndetësor, dhe më pas mjeku mund të këshillojë pacientin se si të zvogëlojë rrezikun e sëmundjes, shpjegoi Dr. Esquirol, duke shtuar se një ndryshim në zakonet e jetës do të pasonte, para së gjithash dietë dhe sasia dhe lloji i aktivitetit fizik.

Meqenëse kjo është hera e parë që sëmundjet e zemrës dhe enëve të gjakut janë të lidhura me rrudhat, nevojiten kërkime të mëtejshme./FrontOnline/