Nedim Bajrami ka gjetur rrugën e rrjetës me fanellën e Rangers.

Mesfushori me tipare sulmuesi, realizoi një gol fantastik në duelin ndaj Aberdin, teksa në minutën e 63-të, nxori në pah klasin e tij, teksa pasi u fut bukur brenda zonës, me një gjuajtje diagonale nga e majta mposhti portierin kundërshtar duke vendosur baraspeshën 1 me 1.

Ky ishte goli i parë i Bajramit në kampionat me skuadrën skoceze, në ndeshjen e tij të gjashtë. Kujtojmë që më herët me fanellën e Rangers, Bajrami kishte shënuar në duelin e Ligës së Evropës ndaj Malmos.

Megjithatë, disa minuta më vonë, vendasit gjetën sërish golin për 2-1 final.

Trajneri beri një zëvendësim të çuditshëm duke hequr shqiptarin në minutën e 76-të dhe kjo tërboi jo pak tifozerinë. Vendi i parë tashmë është 9 pikë larg për Rangers.