Policia e Kosovës në veri të vendit, ka konfiskuar dy armë zjarri AK-47, një elektroshok dhe një sasi të municionit në kulmin e një shtëpije në Zveçanin e vogël, raporton Front Online.
Policia bën të ditur se posedon informacione lidhur me personin e dyshuar mashkull serb të cilit ipërket shtëpia e banimit, e i cili dyshohet se gjendet në Serbi.
“Policia e Kosovës, me datën 21.04.2024 rreth orës 10:30, si rezultat i angazhimeve të saja ka
pranuar një informacion se në Zveçanin e vogël, në një shtëpi dyshohet për armë ilegale.
Sipas detyrës zyrtare është njoftuar prokurori kujdestar, me autorizim të të cilit zyrtarët policorë
sipas procedurave të parapara kanë realizuar një operacion të kontrollit të një shtëpie, në tavanin
e së cilës janë gjeture dhe konfiskuar dy armë zjarri AK-47, disa karikatorë, një sasi e municionit
dhe një elektroshok”, thuhet në njoftimin e Policisë.
PK-ja thekson se ky rast nuk ndërlidhet me procesin e votimit, për apo kundër largimit nga
funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe
Zveçanit. /FrontOnline/
