Një 16 vjeçar nga Vitia ka humbur jetën nga Covid-19, dy ditë para se në Kosovë të bëhet një vit që kur u shfaqen rastet e para me këtë virus, raporton Front Online.

Lajmi për vdekjen e 16 vjeçarit e ka konfirmuar për Front Online, zëdhënësi i Shtabit Emergjent në Komunën e  Vitisë, Tefik Salihu.

“Po është e vërtetë që ka vdekë 16 vjeçari. Mbrëmë ka vdekur. I ndjeri ka pasur edhe probleme të tjera shëndetësore”, ka thënë ai, për Front Online.

Sipas mediave lokale, i ndjeri me inicialet B.B është nga fshati Vërban i komunës së Vitisë.

Varrimi i tij tutje raportohet se do të bëhet sot në ora 15:00 në varrezat e këtij fshati.

Deri tani, betejën me COVID-19 brenda një viti e kanë humbur 1,674 kosovarë./Front Online