×
  • Opinione
  • Opinione

    Në frontin ushtarak, Serbia po ndjek komandat e Kremlinit

    Janusz Bugajski
    20 Shkurt 2024

    Nga Janusz Bugajski:

    Nën sundimin e Presidentit Aleksandar Vuçiq, Serbia po përpiqet në mënyrë të dëshpëruar të imitojë Rusinë. Ajo kërkon të jetë fuqia dominuese në Ballkanin Perëndimor dhe po kopjon ideologjinë “Bota Ruse” të Putinit për një “Botë Serbe” më të vogël. Por, problemi për Beogradin është i dyfishtë: axhenda e tij ekspansioniste do të hasë në rezistencën e të gjithë fqinjëve të tij dhe atë të agjencive ndërkombëtare, ndërsa përpjekja për “madhështi” do të bëjë që Serbia të jetë gjithnjë e më e varur nga përllogaritjet e Moskës.

    Në axhendën e tij “Bota Ruse” (Russki mir), Kremlini shpall detyrimin për të mbrojtur të gjithë rusishtfolësit ose personat e lindur në Bashkimin Sovjetik dhe pasardhësit e tyre. Kjo përfshin të drejtën për të ndërhyrë në punët e shteteve fqinje dhe madje edhe nevojën për pushtim dhe copëzim, kinse për të mbrojtur rusishtfolësit – siç u dëshmua në Gjeorgji, Moldavi dhe Ukrainë.

    A e keni ditur që kontracepcioni vërtet shton dëshirën për seks?Në këtë qytet të Norvegjisë ndodh diçka e magjishme sa herë që bie nataShqetësuese rastet e dhunës në familje“Ëndrra e shkretëtirës”, Arabia Saudite me tren luksoz – do të përshkojë 800 milje nëpë…Gruaja në Melburn prej pesë vitesh fjeti pranë kufomës së kalbur të vëllait – fqinjët v…

    Në versionin e “vëllait të vogël” serb – “Srpski Svet” – i cili u shpall kohët e fundit nga ministri i Brendshëm Aleksandar Vulin, të gjithë serbët kanë të drejtë të jenë të bashkuar dhe të jetojnë po bashkë në një shtet. Beogradi pretendon të drejtën për të mbrojtur serbët në Bosnje-Hercegovinë, Mal të Zi, Kosovë, Maqedoninë e Veriut dhe Kroaci. Përveç ndërhyrjes politike në emër të tyre, kjo nënkupton zgjerimin e ushtrisë së saj për të siguruar interesat serbe përmes pushtimit ushtarak. Ashtu si rusët, serbët janë portretizuar si viktima të përvuajtura të cilët fuqitë e huaja po komplotojnë t’i asimilojnë ose eliminojnë.

    Serbia e Vuçiqit sillet ndaj Rusisë si një vëlla i respektueshëm, duke e konsideruar “vëllain e saj të madh” si një udhëheqës të fortë dhe të mençur që mund të ndihmojë më të riun të arrijë ambiciet e tij rajonale. Por, nën këtë vëllazëri sipërfaqësore, Kremlini po manipulon Beogradin për t’i shërbyer interesave të tij gjeopolitike përmes një marrëdhënieje të pabarabartë, të bazuar në varësi të katërllojshme: diplomatike, ekonomike, ushtarake dhe politike.

    Serbia i është nënshtruar diplomatikisht Rusisë dhe Beogradi është përbetuar për besnikëri ndaj Moskës. Në mesin e veprimeve të tjera të nënshtrimit, qeveria është zotuar se kurrë nuk do të vendosë sanksione ekonomike ndaj Rusisë, pavarësisht thirrjeve të BE-së se Serbisë i duhet të harmonizojë politikën e saj të jashtme me atë të Bashkimit, në rast se e do seriozisht anëtarësimin. Ndryshe nga Mali i Zi, Maqedonia e Veriut dhe Shqipëria, Serbia nuk iu bashkua embargos perëndimore ndaj Rusisë pas aneksimit të Krimesë prej Ukrainës ose arrestimit të udhëheqësit të opozitës ruse Alexei Navalny. Beogradi me sa duket nuk e shikon Ukrainën si një shtet vëlla sllav dhe është i lumtur nga eliminimi i disidentëve politikë.

    Vuçiqi i detyrohet pafundësisht Putinit për bllokimin e anëtarësimit të Kosovës në Kombet e Bashkuara dhe për refuzimin që të njoh pavarësinë e saj. Kryetari i parlamentit, Ivica Daçiq, e ka cilësuar Rusinë si aleatin më të mirë të Serbisë, që i ruan “integritetin territorial” dhe e mbron atë në forume ndërkombëtare. Krejt ndryshe nga qeverisja e nënshtruar aktuale, komunisti Tito, në fakt, e pati kundërshtuar Moskën dhe i pati rezistuar me sukses Stalinit. Madje edhe Millosheviqi e pati ruajtur pavarësinë prej Rusisë dhe pati shfrytëzuar Jelcinin në avantazhin e vet kundër fuqive perëndimore.

    Varësia ekonomike e Serbisë nga Rusia vazhdon të rritet, veçanërisht në fushën e energjisë. Në janar 2021, Beogradi nuk i përfilli thirrjet e ShBA-së për të ulur varësinë e tij nga energjia ruse dhe për të diversifikuar furnizimin. Përkundrazi, nisi një ndërlidhje të re gazi përmes Bullgarisë dhe Turqisë, me një pjesë prej 400 kilometrave të gazsjellëses TurkishStream (Rrjedha turke) për gazin rus. Serbia varet pothuajse tërësisht nga furnizimi i energjisë ruse dhe kjo e shton kontrollin e Rusisë mbi shtetin.

    Në frontin ushtarak, Serbia po ndjek komandat e Kremlinit. Moska është e prerë që të mos tolerojë asnjë lëvizje të Serbisë drejt anëtarësimit në NATO. Serbia po i jepet formë si të ishte një vendondodhje ushtarake e jashtme e Rusisë dhe po e armatos me aeroplanë luftarakë, tanke dhe sisteme kundërajrore. Për Putinin, Serbia ofron një mundësi të vlefshme për të nxitur konflikte dhe madje për të shkaktuar përplasje të armatosura në Ballkanin Perëndimor, në mënyrë që të largojë vëmendjen nga Ukraina, Gjeorgjia dhe Bjellorusia dhe të fsheh trazirat në rritje në Federatën Ruse. Në një moment të caktuar, Vuçiqi mund të nxitet ose provokohet drejt një konfrontimi ushtarak me pretekstin e mbrojtjes së “botës së vogël serbe” dhe madje mund t’i drejtohet “botës më të madhe ruse” për ndihmë.

    Varësia e qeverisë së Vuçiq nga mbështetja politike e Moskës është gjithashtu në përshkallëzim. Mbështetja që Kremlini i jep grupeve të ndryshme nacionaliste dhe ndikimi i tij i gjerë në hapësirën e informacionit të Serbisë synon ta mbajë Vuçiqin nën kontroll. Grushti i shtetit në Mal të Zi, në tetor 2016, ishte përpjekje për të larguar qeverinë pro-NATO të Podgoricës si dhe një sinjal për Vuçiqin se Kremlini mund ta zëvendësojë atë, në rast se largohet nga orbita ruse. Duke iu dorëzuar Putinit në çdo fushë kryesore, Serbia, në fakt, është bërë një viktimë e vullnetshme e politikave të Moskës. /Gazeta “Dita”/

    Përfito FALAS një pushim për çift në Budva
    Nga Rubrika
    Opinione13 Prill 2024
    Nga Mero Baze: Albin Kurti është përfshirë i gjithi në fushatën elektorale në Maqedoninë e Veriut, ku do mbahen zgjedhjet për president...
    Opinione11 Prill 2024
    Shkruan: Valon Murati Në një sondazh të realizuar nga Euronews Albania në pyetjen se si do të votonin në një referendum të...
    Opinione10 Prill 2024
    Nga Janusz Bugajski: Masakra terroriste e mbi 140 civilëve në një sallë koncertesh në Moskë, do të ketë ndikimin katalizues për konflikte...
    Të tjera
    Sport13 Prill 2024
    Gjilani ka fituar si mysafir i Prishtinës me rezultat 3-1 në kuadër të javës së 29-të të Superligës së Kosovës. Pjesa e...
    Lajme13 Prill 2024
    Kryeministri i Kosovës, Albin Kurti së bashku me Vasfije Krasniqin, kanë qëndruar në Studenicë të Istogut për t’iu bashkuar familjarëve të viktimave...
    Lajme13 Prill 2024
    Qytetarët e Kosovës dhe ata të Shqipërisë do të kalojnë përmes pikës kufitare të Vërmicës me procedura të shpejtuara përgjatë 9 muajve...
    Bota/Rajoni13 Prill 2024
    Një person ka humbur jetën dhe 10 të tjerë janë plagosur pasi një kabinë e teleferikut u përplas me një shtyllë të...
    Lajme13 Prill 2024
    Presidentja e Kosovës, Vjosa Osmani ka kujtuar masakrën e Studenicës dhe atë të Llashticës ku forcat serbe 25 vjet më parë, me...
    Sport13 Prill 2024
    Synimi i Tottenham për të siguruar një vend në Champions League është goditur të shtunën kur "Spurs" është mposhtur në një ndeshje në "St James`...

    FrontOnline, © 2024 Të gjitha të drejtat e rezervuara.