×
  • Lajme
  • Lajme

    Në 11 komuna u shty afati i regjistrimit të popullsisë edhe për një javë, ASK pritet të njoftojë për planin e veprimit

    FrontOnline
    18 Maj 2024

    Në 11 komuna të Kosovës është shtyrë afati i regjistrimit të popullsisë me kërkesë të tyre.

    Qeveria e Republikës së Kosovës ka bërë të ditur se me kërkesë të komunës së Dragashit, Prishtinës, Prizrenit, Drenasit, Fushë Kosovës, Skenderajt, Obiliqit, Ferizajt, Shtërpcës, Kaçanikut dhe Gjakovës ka miratuar vendimin për shtyrjen e afatit të procesit të Regjistrimit të Popullsisë, Ekonomive Familjare dhe Banesave deri më 24 maj 2024.

    Sipas propozimit të Agjencisë së Statistikave të Kosovës, prej datës 18 deri më 24 maj 2024, regjistrimi/intervistat do të zhvillohen vetëm nga stafi i rregullt i Agjencisë së Statistikave të Kosovës i cili do të mbulojë tërë territorin e Kosovës për rastet kur identifikohet një individ apo ekonomi familjare që për çfarëdo arsye nuk mund të regjistroheshin më herët.

    Ndërkaq, me propozim të Ministrisë së Punëve të Jashtme dhe Diasporës dhe Agjencisë së Statistikave të Kosovës, regjistrimi i diasporës, përmes portalit eDiaspora shtyhet deri më datën 31 gusht 2024.

    Për më shumë detaje, Agjencia e Statistikave të Kosovës do të dalë me një komunikatë dhe do të bëjë publik planin e veprimit për periudhën e regjistrimit shtesë nga data 18-24 maj, 2024.

    Por, a do të ketë dënime për ata që nuk regjistrohen?

    Udhëheqësja për komunikim me publikun në Agjencinë e Statistikave të Kosovës (ASK), Hazbije Qeriqi ka treguar se çka ndodh me qytetarët që refuzojnë të regjistrohen si dhe për ata që ende nuk janë kontaktuar nga regjistruesit në terren.

    Qeriqi tha se Ligji e parasheh që ata që refuzojnë të regjistrohen në regjistrimin e popullsisë do t’i prekë dënimi deri në 2 mijë euro për individ.

    “Agjencia e Statistikave të Kosovës deri më tani është munduar që kjo mënyrë e kushtëzimit të qytetarëve të hiqet dhe të binden vetë qytetarët se regjistrimi i popullsisë është në interesin e tyre dhe është në të mirën publike. Prandaj, dhe ne jemi duke bërë përpjekje që të gjithë ata pak persona që kemi pas që kanë tentuar të refuzojnë, jemi munduar që gjatë këtyre ditëve t’i bindim që të gjithë të regjistrohen dhe të mos ketë pasoja, sepse pastaj nuk është më në dorën e Agjencisë Statistikave, por kalon kompetenca në organet e tjera institucionale”, u shpreh ajo. /Telegrafi/

     

    KEDS e KESCO, përmes aktiviteteve të shumta, i bashkohen fushatës kundër Dhunës me Bazë Gjinore
    Nga Rubrika
    Lajme14 Qershor 2024
    Shtetet e Bashkuara kanë vendosur të vazhdojnë “emergjencën kombëtare” për Ballkanin Perëndimor. Vendimi është nënshkruar nga presidenti Joe Biden, ndërsa arsyetimi i...
    Lajme14 Qershor 2024
    Me rastin e organizimit të Kampionatit Ballkanik të Shahut dhe Turneut Ndërkombëtar të Shahut “Prishtina Open”, Kryeministri i Republikës së Kosovës, Albin...
    Lajme14 Qershor 2024
    Biznesmeni i njohur kosovar, Ramiz Kelmendi, ka vizituar liderët e Ushtrisë Çlirimtare të Kosovës (UÇK) që po mbahen në Hagë, Në një...
    Të tjera
    Sport14 Qershor 2024
    Ndeshja hapëse e Euro 2024, zhvillohet me Gjermanisë nikoqire dhe Skocisë, në kuadër të Grupit A. Gjermania është kualifikuar direkt si vendi...
    Lajme14 Qershor 2024
    Policia e Kosovës ka thënë se të premten ka konfiskuar sasi të konsiderueshme të armatimit në pjesën veriore të vendit. Nga armatimi...
    Lajme14 Qershor 2024
    Kryeministri i Kosovës, Albin Kurti, ka marrë pjesë në promovimin e librit “Lufta e Kosovës 1997-1999: Një bibliografi e përzgjedhur”, të autorëve...
    Lajme14 Qershor 2024
    Ish-gjykatësi në Kushtetuese, Kadri Kryeziu, vlerësoi se lidhur me njohjen e pavarësisë së Kosovës nga ana e Serbisë, janë fillimisht disa procese...
    Lajme14 Qershor 2024
    Gjykata e Qarkut të Badenit në Zvicër ka vendosur që të dënojë me 17 vjet burg vrasësin e Shqiponja Isufit. I dyshuari...
    Lajme14 Qershor 2024
    Në Lucern të Zvicrës, këtë fundjavë do të mbahet Samiti i Paqës për Ukrainën. Në mesin e shumë shteteve pjesëmarrëse në këtë...

    FrontOnline, © 2024 Të gjitha të drejtat e rezervuara.