Janë mbyllur tri ndeshjet e sotme në kuadër të Superligës së Kosovës në futboll.
Kryendeshja e sotme u zhvillua në stadiumin e qytetit në Gjilan mes Dritës dhe Prishtinës, shkruan FrontOnline.
Ndeshja e vlefshme për javën e 30-të në elitën e futbollit vendor i takoi kryeqytetasve me rezultat 1:2.
Me këtë fitore, Prishtina mbetet në vendin e tretë me 63 pikë, kurse Drita në vendin e dytë me 64 sosh.
Nga ana tjetër, Ballkani e ka mposhtur Gjilanin në ndeshjen e sotme të zhvilluar në Suharekë.
Suharekasit fituan me rezultat 1:0 kundër skuadrës së ish-trajnerit Ismet Munishi.
Me këtë fitore, Ballkani bëhet lider me 64 pikë të tubuara, kurse Gjilani ndodhet në vendin e katërt me 43 sosh.
Nga ana tjetër, Llapi e ka mposhtur Trepçën ’89 në ndeshjen e zhvilluar sot në “Zahir Pajaziti”. Ndeshja në fjalë u mbyll me rezultat 2:1.
Me këtë fitore, Llapi nmbetet në vendin e pestë me 39 pikë, kurse Trepça ’89 në vendin e shtatë me 35 sosh./FrontOnline/
