Komisioni Disiplinor i Federatës e Futbollit e Kosovës ka ndarë dënime të rënda në mbledhjen e mbajtur gjatë ditës së djeshme.

Presidenti i Trepçës ’89, Abedin Zeka dhe trajneri i Gjilanit, Ismet Munishi u dënuan me nga 500 euro, shkruan FrontOnline.

Kurse, zyrtari i Trepçës ’89, Ardit Islami u dënua me dy ndeshje pas ofendimeve ndaj gjyqtarëve në ndeshjen Drenica – Trepça ’89.

Megjithatë, dënimit kësaj radhe i iku presidenti i Ballkanit, Arsim Kabashi.

Edhe pse kishte ofenduar gjyqtarët në ndeshjen Ballkani – Prishtina, “Cima” nuk u dënua fare, derisa iu shqiptua vetëm “vërejtje e fundit”.

Vendimi i plotë nga Komisioni disiplinor:

“Kryetari KF Ballkani, Arsim Kabashi me numer ID 009626M85. Pas perfundimit të ndeshjes në mes të KF Ballkani – FC Prishtina e zhvilluar me date:04.04.2021, në ambientet zyrtare të stadiumit i ofendon dhe i kërcënon referet e ndeshjes. Bazuar ne nenin 52 paragrafi 1 pika a i Rregullores Disiplinore.
I shqiptohet masa disiplinore vërejtje e fundit“./FrontOnline/