Dy meshkuj të dyshuar, shtetas serbë, janë ndaluar mesditën e djeshme në Bjeshkët e Radushës në Istog.
Sipas policisë, personat në fjalë janë ndaluar nën dyshimin se kanë hyrë ilegalisht në territorin e Republikës së Kosovës.
Të njëjtit, janë arrestuar.
“Bjeshkët e Radushes, Istog 09.10.2022 – 12:30. Njësitet policore gjatë patrullimit në terren kanë ndaluar dhe kanë arrestuar dy të dyshuar meshkuj shtetas të Serbisë, pasi të njëjtit dyshohet se kanë hyrë kundërligjshëm në territorin e RKS-së. Me urdhër të prokurorit, të dyshuarit pas intervistimit janë dërguar në mbajtje”, thuhet në njoftimin e policisë.