Këngëtari Prince Royce dhe aktorja Emeraude Toubia konfirmuan se po i japin fund martesës së tyre, pas tre vitesh.
“Ndërsa fundi i një marrëdhënieje nuk është kurrë i lehtë, ne jemi në paqe me vendimin tonë të përbashkët dhe mirënjohës për jetën dhe dashurinë që kemi ndarë për dhjetë vitet e fundit”, thanë dyshja në një deklaratë të përbashkët për Billboard. “Për miqtë dhe familjet tona, përfshirë fansat tanë, ju lutemi ta dini se ne jemi së bashku në këtë vendim të vështirë dhe se nuk ka nevojë të mbajmë anë”.
Deklarata vazhdoi, “Ne e vlerësojmë mbështetjen tuaj ndërsa fillojmë këtë kapitull tjetër të jetës sonë dhe i urojmë njëri-tjetrit vetëm më të mirat në të gjitha përpjekjet e ardhshme. Faleminderit paraprakisht për respektimin e privatësisë sonë, gjatë kësaj kohe të vështirë. Emeraude & Royce.”Royce, emri i vërtetë i të cilit është Geoffrey Royce Rojas dhe Toubia, u martuan gjatë një ceremonie private në San Miguel de Allende, Meksikë, në vitin 2018.
