Sistemet e mbrojtjes ajrore të NATO-s kanë rrëzuar një raketë iraniane që po udhëtonte drejt hapësirës ajrore të Turqisë, njoftoi zyra e presidentit turk të mërkurën.

“Një raketë e nisur nga Irani, që kaloi përmes hapësirës ajrore të Irakut dhe Sirisë, dhe po drejtohej drejt hapësirës sonë ajrore nga rajoni i Hatay, është shkatërruar nga sistemet e mbrojtjes ajrore të NATO-s,” thuhet në deklaratën e zyrës së presidencës turke.

Një fragment i raketës parandaluese ra në një zonë të hapur në jug të Turqisë, pa raportime për humbje jetësh ose të lënduar, thuhet në deklaratë.

Raportohet se kjo është hera e parë që forcat e NATO-s kanë interceptuar një raketë iraniane që po udhëton drejt hapësirës ajrore të një vendi anëtar që nga shpërthimi i konfliktit në Lindjen e Mesme gjatë fundjavës.