NASA po përgatitet të nisë testimet e një tualeti me gravitet zero në Stacionin Ndërkombëtar Hapësinor, përpara përdorimit të tij të mundshëm në misionin e ardhshëm në Hënë.

Sipas BBC, tualeti 23 milionë dollarësh, i cili thith mbetjet njerëzore nga trupi, do të dërgohet në Stacionin Hapësinor me një “anije” mallrash. NASA shkruan se sistemi me vakuum i tualetit është shumë i përshtatshëm për astronautet femra.

Raketa që mbante ngarkesën do të duhej të nisej të enjten nga baza e ishujve Wallops në Virginia, por misioni u shtye tre minuta përpara, për shkak të një problem teknik.